Ministria e Ekonomisë ka njoftuar se Telekomi i Kosovës ka regjistruar fitim në vlerë prej 5.9 milionë euro gjatë periudhës 11 mujore janar-nëntor 2023, raporton teve1.info
Sipas një njoftimi publik të ME-së, fitimet të cilat i ka bërë Telekomi janë duke u kthyer në investime teknologjike dhe modernizim të rrjetit.
“Në periudhën janar-nëntor të këtij viti Telekomi i Kosovës ka shënuar fitim prej 5.9 milionë euro neto kështu duke përmirësuar performancën financiare të saj.
Investimet të cilat planifikohen të bëhen janë qenësorë për Republikën e Kosovës si zgjerimi dhe përforcimi i rrjetit në mbarë territorin, ku pritet që vitin tjetër të fillohet me shërbimin 5g.
Fitimet të cilat i ka shënuar Telekomi I Kosovës janë duke u kthyer në investimet teknologjike si dhe në modernizim të rrjetit e të cilat kanë munguar që nga viti 2015.
Telekomi i Kosovës është një ndër kontribuuesit e mëdhenj në buxhetin e shtetit andaj përkrahja në ngritjen dhe avancimin e tij nuk do të mungoj as nga Qeveria e Republikës së Kosovës”, thuhet në njoftim.
