Oppo Find X8 Ultra i ri, i prezantuar në fillim të këtij muaji, është pajisja që tërhoqi shumë vëmendje për nga pamja dhe specifikat e saj.
Telefoni vjen në variante të zezë mat, të bardhë dhe rozë, dhe në krahasim me paraardhësin e tij, është më i hollë (8.78 mm kundrejt 9.5 mm) dhe më rezistues- ka mbrojtje IP68 dhe IP69 kundër ujit dhe pluhurit.
Oppo gjithashtu thekson se pajisja kaloi testin e rezistencës ndaj rënies SGS me vlerësimin më të lartë.
Ekrani mbeti i njëjtë si në modelin e mëparshëm – OLED me diagonale 6,82 inç, me një shpejtësi rifreskimi 120 Herc dhe një shkëlqim deri në 1600 nit. Bateria është dukshëm më e madhe dhe tani ka një kapacitet prej 6100 mAh, dhe mbështetet mbushja e shpejtë, me tel (100 W) dhe me valë (50 W).
Sensori kryesor 50 MP, i cili u përdor edhe në modelin e vitit të kaluar, është ende ndër më të mëdhenjtë në treg. Dy kamerat e zmadhimit me periskop janë gjithashtu 50 MP secila dhe tani ofrojnë aftësi të përmirësuara – njëra lejon zmadhimin optik 3x dhe tjetra 6x.
Kamera e re True Chroma përdoret për të analizuar ngjyrat në skenë dhe, me përpunimin e Hasselblad, mundëson një paraqitje më natyrale të toneve të lëkurës në kushte të ndryshme ndriçimi.
Nga ana tjetër, kamera me kënd ultra të gjerë përdor një sensor më të vogël këtë herë dhe, sipas specifikimeve, është pak më e dobët se modeli i mëparshëm.
Pajisja mundësohet nga çipi i ri Snapdragon 8 Elite dhe disponohen konfigurime deri në 16 GB RAM dhe 1 TB memorie të brendshme. Ai gjithashtu ka dy butona fizikë shtesë – një për kamerën, dhe tjetri mund të personalizohet sipas preferencave të përdoruesit.
Phone Arena e shpalli Find X8 Ultra “telefonin më të mirë të lansuar më 2025”. Ata vlerësuan jetëgjatësinë e baterisë, mbushjen e shpejtë dhe kamerën, duke i dhënë telefonit një rezultat të përgjithshëm prej 8.2, duke e bërë Find X8 Ultra aktualisht telefonin me vlerësimin më të lartë që ata kanë testuar deri më tani.
Find X8 Ultra u rishikua edhe nga Digital Camera World, i cili e quajti atë “mbreti i ri i fotografisë celulare”. Ata theksuan se pajisja duket e sofistikuar dhe premium dhe ndihet jashtëzakonisht rehat në dorë.
