Renditja në fund të listës përkrah një vendi në të cilin tash e disa vite është në luftë tregoi se gjendja në sistemin arsimor nuk është fare e mirë.
Por, për këtë Ministrja Nagavci kishte një arsyetim.
Kritika të ashpra për këto rezultatet të PISA-së, kanë edhe nga Organizata për Rritjen e Cilësisë në Arsim.
“Fakti më i keq, apo më i mirë, është PISA 2022, kjo ka tregu se sistemi i arsimit në Kosovë është më i dobi në botë, ose të paktën në 80 vendet dhe veç Kanbonxha na kalon, një vend që vite -vite, është në luftë civile dhe udhëhiqet nga qeveri ushtarake. Këta student nuk kanë ditë më gjete distancën në dy rrugë alternative, nuk kanë ditë me konvertua çmimet prej një valutë në valutën tjetër. Testi PISA është një matës shumë i saktë, dhe krejt këto tregojnë që na ne Kosovë kemi një fuqi punëtore që mas 15 vjetëve e nxjerrë Kosovë në një vend të zhvilluar apo afër vendeve të zhvilluara”, tha Gramos Buçinca nga ORCA.
E nga Sindikata e Bashkuar e Arsimit ka një zgjidhje se si këto rezultate të përmirësohen në vitet e ardhshme.
“Qëndrim i SBASHK të ulem së bashku në MASHT, SBASHKU ekspertet nga MASHTI, përfaqësuesit të Akademisë së Shkencave, ekspertet e mirëfilltë, këshilli i prindërve dhe të shohim një nga një dhe të shohim se çfarë po ndodhë më shkollën në Kosovës, dhe të shohim pse jemi kaq keq në PISA”, tha Rrahman Jashari nga SBAShK-u.
Derisa këto rezultate të PISA-së shpërfaqen situatën në të cilën është arsimi në Kosovë, problemet në këtë fushë kishte gjatë gjithë vitit.
Ndryshimi i mënyrës së furnizimit me libra, bëri që para librarive të krijohen radhë të gjata.
Kjo pasi MASHTI këtë viti për herë të parë vendosi të subvencionoi prindërit për të blerë librat e klasës se parë deri në të pestën, kurse nga klasa e gjashtë deri në të nëntën u furnizuan me libra të vjetra.
Ky vendimi i MASHT-it sipas ekspertit të arsimit, Rinor Qehaja ishte më vonesë.
“A është bërë kjo shpërndarja dhe ky ristrukturimi në shpërndarja përmes subvencionimi të ekonomive familjare më kohë të përshpejtuar unë mendoj se po, unë gjykojë po që të ishte bërë në muajin qershore, të gjithë duke përfshirë edhe prindërit do të kishin kohë e më të mirë, për tu përgatitur”, tha Rinor Qehaja nga Instituti Ed Guard.
Nga SBASHK thonë se kjo nuk ishte një rrugë e duhur që nxënësit të furnizohen me libra, dhe presin që një gjë e tillë të mos përsëritet vitin e ardhshëm.
“Kishim përplasje për çështjen e teksteve shkollor, të cilin e kemi konsideruar si një gjë shumë të gabuar dhe këto përplasje sikurse zonja Nagavci të kishte gatishmëri që të takoheshim të flasim të bisedojmë dhe të përplasemi brenda institucioneve e të jemi me të kujdesshëm para medieve”, tha Jashari.
Por, këtu nuk përfundojnë telashet në sistemimin arsimor, shkruan Tëvë1.
“Janë prezantuar shume ligje, shumë reforma në legjislacionin sekondar në përgjegjësi është miratu plani strategjik i arsimit, mirëpo edhe këtë vit, asnjëherë nga këto nuk ka arritur të kthehet në diçka që do ta gjeneronte ndryshimin brenda sistemin arsimor”, tha Qehaja.
“Ka vera e kallume, e kemi pas një ngjarje e cila ka jep një precedent i keq ku Agjencioni i akredimit ka akredituar në kolegje private, duke konsideruar bartës të programeve personat veç me master pa doktorratur”, deklaroi Buçinca.
Që gjendja në arsim të përmirësohet kërkohet vlerësimi i përformancës së mësimdhënësve.
Por, këtë nuk e pranojnë në asnjë mënyrë Sindikata e Arsimit.
Se a do të ketë vlerësim apo nuk do të ketë, dhe se cilat pritet të jenë reformat e Qeverisë Kurti e cila kishte premtuar që arsimin do ta kenë prioritet do të shihen në vitin e fundit të mandatit të kësaj qeverie.
