Kuvendi i Kosovës ka miratuar rezolutën që dënon sulmin terrorist të grupit të armatosur serb, që më 24 shtator në Banjskë, sulmoi Policinë e Kosovës, e si pasojë u vra rreshteri, Afrim Bunjaku.
Teksti i rezolutës:
– Duke e marrë për bazë gjendjen e sigurisë në të cilin po kalon vendi pas sulmit terroristë të Serbisë ndaj sovranitetit shtetëror dhe integritetit territorial të Republikës së Kosovës,
-Duke vlerësuar rëndësinë e ruajtjes dhe sovranitetit dhe integritetit territorial të Republikës së Kosovës si dhe përcaktimin dhe angazhimin tonë shtetëror për t’i kontribuar paqes dhe stabilitetit në rajon,
– Të vendosur që Republika e Kosovës të jetë vend i lirë, demokratik, paqedashës dhe atdhe i qytetarëve të saj të cilëve u garantohet të drejtat, liritë dhe barazia para ligjit,
– Të përkushtuar për ta luftuar dhe parandaluar me mjete kushtetuese dhe ligjore, çfarë do veprimi dhe përpjekje e cila e cenon, rrezikon rendin kushtetues të Republikës së Kosovës,
– Kuvendi i Republikës së Kosovës e dënon me termat më të ashpër sulmin terrorist të organizuar nga Republika e Serbisë mbi Policinë e Kosovës më 24 shtator 2023, si dhe kërkon nga faktori ndërkombëtar ta ushtrojë ndikimin e tij për ta ballafaquar Serbinë në rolin e saj në raport me organizimin dhe mbështetjen e çfarë do llojshme që i ka bërë grupit terrorist për sulmin ndaj Repulikës së Kosovës ,
– Vlerëson punën, angazhimin dhe rezultatet e jashtëzakonshme të institucioneve të sigurisë së Republikës së Kosovës dhe institucioneve partnere ndërkombëtare të sigurisë, EULEX dhe KFOR në aksionin e përbashkët për t’i zmbrapsur dhe asgjësuar sulmet terroriste të organizuara nga Serbia në veriun e vendit tonë,
– Ofron mbështetjen e plotë dhe pa rezervë për Policinë e Kosovës në ushtrimin e përgjegjësisë, ruajtjes së rendit dhe të sigurisë publike në tërë territorin e Republikës së Kosovës,
-Kërkon nga të gjitha institucionet e Republikës së Kosovës që ta vazhdojnë punën e përbashkët për integrimin e plotë dhe bashkëjetesën mes gjitha komuniteteve pa dallim të cilat jetojnë në Republikën e Kosovës,
– Inkurajon dhe mbështetë pluralizmin politik në radhët e komunitetit serb në Kosovë, zhvillimi i të cilit e mundëson progresin demokratik dhe e rritë transparencën e llogaridhënien para këtij komunitetit dhe jetëson promovimin e interesave reale të tij në Republikën e Kosovës,
– Kërkon nga Qeveria e Kosovës që të bashkëpunon me aleatët ndërkombëtar veçanërisht me Shtetet e Bashkuara të Amerikës për ta fuqizuar edhe më tutje shtetin e së drejtës dhe vlerat tona të përbashkëta euro-atlantike,
– Konstaton nevojën për hetim ndërkombëtar ndaj Republikës së Serbisë lidhur me organizimin e aktiviteteve terroriste dhe vazhdimin e ekzistencës së kampeve stërvitore të grupeve terroriste në territorin e Serbisë, /teve1.info/
