Deputetja e Partisë Demokratike të Kosovës, Eliza Hoxha, ka thënë që qytetarët nuk ia kanë borxh këtë prapakthim kryeministrit Albin Kurti duke iu referuar situatës së teksteve shkollore.
Sipas saj, për herë të parë nxënësit këtë herë nuk i kanë pasur librat në bankat shkollore.
“Këtë degradim e këtë prapakthim besoj që qytetarët nuk ia kanë borxh as kësaj qeverie as kryeministrit Albin Kurit“
Ku jemi sot? Qeveria për të mbuluar këtë dështim në momentin e fundit improvizoi një zgjidhje tjetër të dëmshme si për buxhetin e shtetit ashtu edhe për shkollat, mësimdhënësit, prindërit dhe fëmijët.
“Vendosi që tekstet mësimore për nxënësit e nivelit të parë të subvencionohen në shumë prej 80 eurove. Kjo kategori me mbi 110 mijë nxënës si dhe të nxënësve të nivelit të dytë që t’iu ofrojë jo vetëm tekste shkollore por subvencionim vetëm për materialet tjera”.
“Pra, me këtë nivel la pa tekste duke braktisur jo vetëm nxënësit dhe prindërit por edhe obligimin ligjor për sigurimin e tyre”.
