Eliminimi i hershëm i Belgjikës në “Euro 2024” mund t’i kushtoj me shkarkim elektorit Domenico Tedesco, kanë njoftuar mediumet e huaja.
Belgjika u eliminua në 1/8 e finales nga Franca, ndërsa edhe në fazën e grupeve nuk pati paraqitje të mira.
Përfundoi e dyta në Grupin E që përbëhej edhe nga Rumania, Sllovakia e Ukraina. Në katër paraqitje në Evropian, Belgjika regjistroi një fitore, një barazim dhe një humbje për t’i dhënë fund aventurës në turneun që po mbahet në Gjermani.
Pas eliminimit, trajneri Tedesco është kritikuar për taktikën e lojës dhe paraqitjen e dobët të ekipit në Evropian. Tedesco mori drejtimin e Belgjikës në muajin shkurt të vitit të shkuar dhe deri para “Euro 2024” pati një ecuri prej 14 ndeshjeve pa humbje.
Këto rezultate pozitive i sollën Tedescos edhe rinovimin e kontratës në muajin mars me Federatën e Futbollit të Belgjikës deri në verën e vitit 2026.
Tedesco në postin e elektorit të Belgjikës ka zëvendësuar Roberto Martinezin e larguar pas Botërorit “Katari 2022”.
Aktualisht, Martinez është në krye të Portugalisë që tashmë është kualifikuar në çerekfinale të “Euro 2024”.
