Pas afër 3 dekadave u detyra të veshë edhe një herë uniformën e Ushtrisë Çlirimtare të Kosovës.
Kësaj radhe jo për të luftuar po për të kërkuar drejtësi.
Naser Kapuqi nga Skenderaj u bë pjesë e mijëra qytetarëve të tjerë të cilët dita e marte i gjeti në sheshin “Skënderbeu” në Prishtinë.
Kjo për t’iu bashkuar marshit “Drejtësi, jo Politikë.”
“Drejtuesit tonë të luftës në Hagë nuk janë duke u trajtuar drejtë, janë duke u shkelur të gjitha të drejtat në mënyrë drastike, prandaj protesta është për të thirrur drejtësi dhe të trajtohen në mënyrë të drejtë, përndryshe veprimet që është duke i bërë ZPS-ja dhe Gjykata Speciale është trupi i demokracisë”, është shprehur një ish ushtar i UÇK-së.
E kjo uniformë të cilën e mban ka një rëndësi të veçantë për të.
“Për neve uniforma është e shenjtë, për arsye se ne nën këtë ëmblem dhe me këtë uniformë kemi luftuar për lirinë dhe pavarësinë e Kosovës e nëse ka nevojë do të luftojmë prapë”, u shpreh tutje ish ushtari i UÇK-së .
E as rrugëtimi i një ish-ushtari tjetër nga Istogu, nuk ishte i lehtë.
Naim Elshani, thotë se për të qenë sot këtu, tri dekada me parë i shpëtoi dy herë plumbave të armikut.
“Unë jam i plagosur në kufirin Kosovë- Shqipëri, ku i kamë lënë 16 dëshmorë, dhe vet jamë plagos i 14-ti,aty kam parë bashkëluftëtarë pa kokë, pa dorë pa këmbë, e unë kam shpëtuar fal gjeneralit, Avdyl Mushkolës, i cili më ka tërheqë edhe një masakër i kam përjetuar unë në fshat ku vetëm unë kam shpëtuar aty. 2;34 – 2:;44 Unë 99.9 për qind pres që Hashim Thaçi me krerët ka me ardhë në Kosovë”, ka thënë Elshani.
E një ish-ushtarë tjetër, thotë se asnjëherë s’e kishte menduar që do të vije dita që do të gjykohet lufta e luftëtarëve të lirisë.
“Në atë kohë le që nuk e kemi menduar këtë, por nuk e kemi menduar as ne që do ta presim lirin ndërsa sot padrejtësia po dominon, e kjo është e rëndë për çlirimtarët, e rënd për popullin, e rënd për bashkësinë ndërkombëtare dhe e rënd për njerëzimin, dhe ne presim vetëm drejtësi”, theksoj Imeri.
E pas më shumë se dy orësh, mijëra qytetarët që kërkuan gjykim të drejtë në Hagë, u shpërndanë të qetë.
