Gjatë ditës së diel, janë raportuar të shtëna me armë zjarri në fshatin Partesh, por fatmirësisht nuk ka pasur të lënduar. Policia e Kosovës ka bërë të ditur se pas ngjarjes, janë gjetur dhe konfiskuar shtatë gëzhoja, të cilat janë marrë si prova materiale.
Sipas njoftimit të Policisë, një qytetar ka raportuar se kishte dëgjuar disa të shtëna me armë zjarri në zonën përkatëse. “Është raportuar se ankuesi mashkull kishte dëgjuar disa të shtëna me armë zjarri. Njësitë policore në vendin e ngjarjes, në cilësi të provave materiale, kanë gjetur dhe konfiskuar 7 gëzhoja. Rasti nën hetime,” thuhet në njoftimin e PK-së.
Hetimet për këtë rast janë ende në vazhdim, ndërsa autoritetet po punojnë për zbardhjen e ngjarjes dhe identifikimin e mundshëm të personave të përfshirë.
