Pesë persona kanë mbetur të plagosur me armë zjarri pas një konflikti të çastit.
Ngjarja ka ndodhur në orën 13.30 pranë ish-Gjykatës së Kurbinit, ndërsa të plagosurit janë transportuar drejt Spitalit të Traumës në Tiranë.
“Rreth orës 13.30, pranë ish-Gjykatës së Kurbinit, dyshohet se si pasojë e një konflikti të çastit midis disa personave, kanë mbetur të plagosur me armë zjarri shtetasit L. I., A. Gj., G. N., A. N, dhe D.Gj, të cilët janë dërguar menjëherë për ndihmë mjekësore më të specializuar në spitalin e Traumës në Tiranë”, thuhet në njoftimin e policisë.
Policia ka shoqëruar disa persona për zbardhjen e ngjarjes, ndërsa autori që hapi zjarr është identifikuar dhe po vijon puna për kapjen e tij./rtsh.al
