Në një koncert ku po performonte artisti “Stresi” në ambientet e club-in e natës “Cinco Cavalli” një person ka qëlluar me armë zjarri.
Ngjarja ka ndodhur pak pas mesnatës së datën 1 janarit dhe fatmirësisht nga të shtënat nuk ka pasur të lënduar.
Autori është neutralizuar nga të pranishëm në koncert, të cilët e kanë qëlluar me grushte e gota.
Ky i fundit është larguar nga vendi i ngjarjes dhe tashmë është shpallur në kërkim. Pasi policia ka mbërritur në vendin e ngjarjes e ka mbyllur eventin para kohe për të zbardhur rrethanat.
“Në vijim të veprimeve si rezultat dhe i këqyrjes së kamerave, është bërë i mundur identifikimi i shtetasit që kishte qëlluar me armë zjarri në ajër, por për arsye se hetimi vijon nuk bëjmë me dije gjeneralitet e tij. Nga ngjarja nuk ka pasur asnjë person të lënduar”, thuhet ndër të tjera në komunikatën e policisë./tch
