Dy persona janë vrarë dhe dy të tjerë janë pladosur në fshatin Çellopek në Tetovë. Sektori i Punëve të Brendshme Tetovë ka ndaluar personin që dyshohet për vrasjen e dyfishtë.
“Sot nëpunës të SPB Tetovë, në Çellopek, e kanë ndaluar personin I.I të moshës rreth 60 vjeçare, duke vepruar në thirrjen e qytetarëve, pasi i njejti dyshohet se ka vrarë dy persona dhe ka plagosur një tjetër. I dyshuari gjithashtu është lënduar me plagë të armës së zjarrit. Në vend ka shkuar policia e Tetovës dhe kanë siguruar vendin e ngjarjes, ku edhe do të sigurohen kushtet për hetuesinë për të hetuar në tërësi ngjarjen” tha zëdhënësi i policisë së Tetovës, Marjan Josifovski.
Lidhur me vrasjen e dyfishtë në Çellopek ka reaguar edhe ministri i Punëve të Brendshme Oliver Spasovski.
Ai ka thënë se dyshohet se motivet e vrasjes janë çështjet e pazgjidhura pronësore.
“Kolegët punojnë për momentin për zbardhjen e kësaj ngjarje. Bëhet fjalë për çështje të pazgjidhura pronësore në një familje. Këto janë informacionet e para që më dërguan kolegët nga terreni. Presim që së shpejti të rrumbullakohet i gjithë ai procesi dhe të kemi detaje nga ngjarja”, ka thënë Spasovski./TvShenja/