Policia e Kosovës në Podujevë, të enjten përderisa ishte në një pikë kontrolli në fshatin Lupç, ka pranuar informatën për të shtëna me armë zjarri.
Bëhet e ditur se policia ka dalë në vendin e ngjarjes me ç’rast ka ndaluar një automjet në të cilin është gjetur një armë.
“Mbrëmë rreth orës 23:00, njësiti policor i stacionit të Podujevës derisa ishte në një pikë kontrolli në fshatin Lupç, kanë parnuar informatën për të shtëna me armë. Njësiti policor ka reaguar menjëherë dhe ka ndaluar një automjet, ku ka gjetë dhe sekuestruar një armë”, thuhet në njoftim.
Për rastin në fjalë Policia njoftoi se ka shoqëruar dy persona në intervistim, teksa ndaj njërit prej tyre,( 21 vjeç), është hapur rast për veprat penale përdorim i armës apo mjetit te rrezikshëm, mbajtje ne pronësi, kontroll ose posedimi paautorizuar i armës”.
“Lidhur me këtë rast policia ka shoqëruar dy persona dhe pas intervistimit ndaj njërit prej tyre në koordinim me prokurorin e shtetit, është hapur rast për veprat:-Përdorim i armës apo mjetit te rrezikshëm – Mbajtje ne pronësi, kontroll ose posedimi paautorizuar i armës. Personi i dyshuar:L.D, mashkull, 21 vjeç, pas përfundimit të procedurave të nevojshme policore, me vendim të prokurorit të shtetit është dërguar në mbajtje për 48 orë”, thuhet në njoftimin e policisë.
