Sfida me Bullgarinë vjen në një moment perfekt për kombëtaren shqiptare të futbollit. Miqësorja e së Martës ka marrë vlerësim maksimal nga stafi dhe lojtarët kuqezi. Diçka që e zbulojnë edhe Qazim Laçi dhe Ernest Muçi në daljen për shtyp. Mesfushori i cili pritet ta nis titullarë këtë duel pranon se niveli cilësor i kombëtares shqiptare është ngritur, teksa zbulon edhe objektivin e ri në grupin kualifikues të Euro2024.
“Objektivi i parë ishte tek kualifikimi europian dhe tani si objektiv të dytë do jetë vendi i parë dhe për atë do të luftojmë. Ne jemi të gjithë për ekipin. Kjo është ndeshje miqësore ose është një ndeshjë për kualifikimin dhe besoj se trajneri ka besim tek të gjithë lojtarët. Po patjetër jam dakord me ju edhe për ne që skemi hsumë minuta për momentin me ekipin kombëtar është një ndeshje kualifikimi për ne dhe do ta marrim seriozisht.”
Edhe për Muçin, trajneri Sylvinho pritet të ketë rezervuar minuta në këtë përballje. Sulmuesi zbuloi se ka marrë falenderime nga lojtarët polak të Legias së Varshavës pas fitores me Republikën Çeke, ndërsa shtoi se pavarësisht se një miqësore synojnë fitoren ndaj Bullgarisë.
“Këtë ndeshje nuk e shikojme edhe aq si miqësore më shumë e shikojmë si zyrtare kështu që shpresojmë që të luajmë sa më mirë dhe të paraqitemi sa më mirë përballë tifozëve tanë. Do të jetë një ndeshje që do të luftojmë shumë dhe duam ta fitojmë. Tek ekipi im edhe për fitoren që bëmë ndaj Çekisë shumë nga lojtarët më thanë faleminderit që fituat kështuqë edhe unë jam shumë i lumtur që tek ekipet tona kemi krijuar një afeksion që për ne është shumë e mirë.”
Përballja do të transmetohet falas në televizionin kombëtar “Klan” të Martën e 17 Tetorit duke nisur nga ora 18:00.
