Te skuadra e Sevillas nuk llogaritin shumë në sulmuesin e krahut, Adnan Januzaj këtë edicion.
Këtë e ka konfirmuar edhe trajneri i ekipit spanjoll, Quique Sanchez Flores. Madje, trajneri Flores ka vënë në pikëpyetje aftësitë e Januzajt, duke thënë se nuk është i sigurt nëse 29-vjeçari ka atë që duhet për të luajtur për Sevillan.
Januzaj në verën e vitit 2022 iu bashkua Sevillas si lojtar i lirë, ndërsa në stinorin pranveror të edicionit të shkuar ishte i huazuar në Turqi te skuadra e Bashakshehirit.
Prej se është pjesë e Sevillas për tashmë 18-të muaj, Januzaj në total ka vetëm 18 paraqitje apo 471 minuta lojë për ekipin nga La Liga. Këtë edicion, ai ka vetëm një asistim kurse me Sevillan ka kontratë deri në vitin 2026.
Para Sevillas, Januzaj ka bërë karrierë edhe te Real Sociedadi, Manchester Unitedi, Sunderlandi e Borussia Dortmundi.
