Trajneri i skuadrës ruse, Rubin Kazan, Rashid Rakhimov, ka kritikuar Mirlind Dakun për veprimin e tij pas ndeshjes së Shqipërisë me Kroacinë në Euro 2024.
Daku mori altoparlantin dhe nisi fyerje ndaj serbëve dhe maqedonasve, derisa ishte para tifozëve shqiptarë. Reagimet më pas ishin të shumta, ndërsa UEFA e suspendoi sulmuesin e Rubin Kazanit për dy ndeshje.
Edhe Rubin Kazani ka paralajmëruar dënimin e Dakut, por sulmuesi pritet të mbetet pjesë e kësaj skuadre. Këtë e ka lënë të kuptohet trajneri Rakhimov në një intervistë për faqen zyrtare të klubit. Daku e ka kompletuar një edicion të suksesshëm te Rubin Kazani. Ishte sulmuesi dhe golashënuesi kryesor i skuadrës.
Te Rubin Kazani janë disa lojtarë nga Serbia, por trajneri nuk pret telashe. Ai ka theksuar se Daku është dashur të luajë ndaj Spanjës. Daku u dënua para ndeshjes me Spanjën dhe tashmë e ka edhe një ndeshje pas Evropianit për të kryer dënimin.
Në Rusi ka pasur thirrje që Daku të largohet plotësisht nga ky vend. Kanë nisur me reagim edhe grupet e tifozëve, që kanë qëndrim anti-shqiptar. Por trajneri i Rubin Kazanit ka bërë të qartë se llogarit në shërbimet e 26-vjeçarit.
