Të paktën shtatë persona kanë vdekur dhe disa të tjerë janë plagosur në një tërmet të madh që goditi së fundmi Filipinet, thanë mediat shtetërore të shtunën.
Këshilli Kombëtar për Reduktimin dhe Menaxhimin e Rrezikut të Fatkeqësive të vendit (NDRRMC) tha se shtatë persona ishin raportuar të vdekur deri më tani, ndërsa dy të tjerë mbeten të zhdukur në rajonin Sarangani të provincës Davao Occidental, sipas Agjencisë së Lajmeve të Filipineve.
Autoritetet, si dhe ekipet e shpëtimit dhe ekipet mjekësore tashmë në zonat e prekura, thanë se rreth 32 njësi të infrastrukturës u dëmtuan në qytetin e Davaos.
Tërmeti goditi të premten pjesët jugore të Filipineve.
Tërmeti raportua rreth orës 0814 GMT në një thellësi prej 10 kilometrash (6.2 milje), tha Shërbimi Gjeologjik i SHBA.
Sipas PHIVOLCS, instituti i vendit për monitorimin dhe zbutjen e shpërthimeve vullkanike, tërmeteve dhe cunamit, magnituda e tërmetit ishte 7.2 ballë, por më vonë u ul në magnitudë 6.8. (AA)
