Të paktën 26 persona kanë humbur jetën në Misisipi dhe Alabama pasi një tornado shpërtheu në shtetet jugore të ShBA-së.
Tashmë, përpjekjet e kërkim-shpëtimit po vazhdojnë, derisa qeveria e shtetit të Mississippit ka shpallur gjendjen e jashtëzakonshme.
Në këtë qytet rural me vetëm 2000 banorë, ku një e pesta e banorëve jetojnë nën kufirin e varfërisë, dhjetëra ndërtesa janë rrafshuar nga furia e tornados.
Mes rrënojave, ka automjete që janë hedhur përreth, ka lodra të rastësishme për fëmijë dhe shenja të tjera të jetës që janë jetuar këtu vetëm disa orë më parë.
BBC raporton se tornado goditi në mes të natës, derisa njerëzit ishin fjetur dhe nuk kishin dëgjuar alarmet, transmeton teve1.info.
Tornado zgjati vetëm pesë deri në 10 minuta, tha një dëshmitar për BBC. Ai tani po qëndron në një nga strehimoret që janë ngritur në zonë. Dëshmitari nuk e di se çfarë do të bëjë më pas, por thotë se disi do të rindërtojë jetën e tij.
Sot, Shtëpia e Bardhë deklaroi se Presidenti Biden urdhëroi ndihmën federale për të mbështetur përpjekjet lokale të rimëkëmbjes në zonat e prekura nga tornadot, duke përfshirë grante për strehim të përkohshëm, riparime shtëpish dhe kredi me kosto të ulët për të mbuluar humbjet e pronës së pasiguruar.
