Anëtarët e Ligës Arabe do të takohen të martën, në një takim urgjent për të kundërshtuar kërcënimet e presidentit Trump për të pushtuar Gazën, duke dëbuar palestinezët nga toka e tyre.
Samiti, që është thirrur nga Egjipti, synon të dalë me një përgjigjje të bashkuar arabe që do ofronte një alternativë që respekton të drejtat e palestinezëve dhe e bën Gazën përsëri të banueshme,.
Deklaratat e presidentit amerikan, Donald Trump ku tha se donte të “marrë” Gazën dhe ta kthente në “rivierën e Lindjes së Mesme”, dhe të zhvendoste palestinezët në Egjipt dhe Jordani, dërguan në thirrjen e këtij samiti urgjent.
Egjipti e hodhi poshtë idenë dhe tha se do të paraqiste “një vizion gjithëpërfshirës për rindërtimin e Gazës duke siguruar që palestinezët të mbeten” dhe se do të presë një samit arab për të diskutuar vizionin, raporton AJ.
Më 21 shkurt, Egjipti, Jordania dhe gjashtë vendet e Këshillit të Bashkëpunimit të Gjirit (GCC) u mblodhën në Riad për të përgatitur axhendën për samitin e së martës në Kajro.
