Këtë e ka bërë të ditur, kryetari në detyrë i Organizatës së Veteranëve të Luftës së UÇK-së, Faton Klinaku.
Sipas Klinakut, arsyeja e protestës është mospërfshirja e veteranëve të luftës në pagën minimale.
“Meqenëse të hënën me datë 06.06.2022 në ora 11:00 do të mbahet seanca e Kuvendit të Kosovës, dhe si pikë e parë e rendit të ditës është miratimi i projektligjit për ndryshimin e ligjeve, me anë të të cilit ky pushtet po do që t’i heqë veteranët e luftës nga lidhja me pagën minimale, u vendos që të kundërshtohet kjo”, ka shkruar ai në një postim në Facebook.
Më tej, Klinaku ka thënë se protesta do të mbahet nga ora 10:00 para Kuvendit.
“Në takimin me degë, u vendos që të hënën me datën 6 qershor 2022, Organizatat e dala nga lufta e UÇK-së, prej orës 10:00, të organizojnë protestë para Kuvendit të Kosovës kundër diskriminimit që po iu bëhet veteranëve, invalidëve dhe familjeve të dëshmorëve”, tha ai. /teve1.info/
