Për qeverisjen e Albin Kurtit do të diskutohet në seancën që do të mbahet të hënën në Kuvendin e Kosovës.
Kështu ka propozuar AAK-ja në mbledhjen e Kryesisë së Kuvendit.
Shefi i deputetëve të AAK-së, Benik Tahiri, tha se nëse kryeministri Kurt ikë edhe nga ai debat, do ta marrë “barrën e dështimit”.
“Për një mandat asnjë projekt nuk është përmbyll. Në qoftë se ikë edhe prej këtij debati ai e merr barrën e dështimit. Ballafaqimi në këtë seancë do të jetë në sektor të ndryshëm dhe e shohim tejet të rëndësishëm që z. Kurti të mos ikë”, ka theksuar Tahri.
Ky debat është përkrahur edhe nga LDK-ja.
Ndërsa shefja e deputetëve të Lëvizjes Vetëvendosje, Mimoza Kusari-Lila, ka thënë se kërkesa e opozitës për debat për qeverisjen e Kurtit është bërë në mars të këtij viti.
