Kryesia e Kuvendit të Kosovës në mbledhjen e sotme ka vendosur që seanca e radhës të mbahet më 24 shkurt.
Këtë e ka bërë të ditur, shefja e Grupit Parlamentar të LVV-së, Mimoza Kusari-Lila, pas mbledhjes së Kryesisë.
“Seanca e re plenare do të mbahet më 24 shkurt në orën 10:00 në agjendën e rregullt”, ka thënë Kusari-Lila.
Në këtë seancë pritet të ratifikohen dy marrëveshje mes Kosovë dhe Shqipërisë, po ashtu shqyrtimi i dytë i projektligjit për ndryshimin dhe plotësimin e Ligjit për shitjen e banesave, shqyrtimi i parë i projektligjit për TVSH-në, shqyrtimi i parë të projektkodit civil të Kosovës, shqyrtimi i parë i projektligjit për Qeverinë e Kosovës etj. Këto janë pikat e rendit të ditës që u propozuan dhe u miratuan për seancën e radhës këtë të enjte. /tëvë1.info/
