Të dielën në Prishtinë mbahet edicioni i tetë “Babadimër Vrapo”, me karakter humanitar.
Organizimi synon të ofrojë ndihmë për fëmijët e Onkologjisë-Pediatri dhe 250 familje në nevojë gjatë festave të fundvitit.
Në këtë event pritet të marrin pjesë 3.200 vrapues, të cilët do të vrapojnë në kostumet e Babadimrit (kostumi i Babadimrit, i detyrueshëm, i bashkëngjitur me numrin e maratonës).
Kostumet janë në dispozicion për blerje nga data 5 dhjetor e deri më sot në sheshin “Zahir Pajaziti” Prishtinë.
Programi fillon në orën 12:00, ndërsa vrapimi nga ora 13:00. Harta e garës përfshin rrugën nga sheshi “George Bush” te Katedralja, duke kaluar nëpër bulevardin “Dëshmorët e Kombit” dhe duke u kthyer prapa në rrethin e flamurit, shkruan KP.
Ndryshe, themelues dhe organizator i aktivitetit “Babadimër Vrapo” është Jusuf Islami.
