Në intervistat që BBC ka bërë me pesë të burgosur palestinezë të liruar, të cilët fillimisht ishin arrestuar në Gaza pasi që Izraeli filloj luftën, ata deklaruan se i janë nënshtruar keqtrajtimit dhe torturës nga ushtria izraelite dhe personeli i burgjeve.
Burrat u mbajtën sipas ligjit të Izraelit për luftëtarët e paligjshëm , një masë me të cilën njerëzit e dyshuar se paraqesin rrezik sigurie mund të ndalohen për një periudhë të papërcaktuar pa akuza.
Burrat thonë se ata u akuzuan se kishin lidhje me Hamasin dhe u morën në pyetje për vendndodhjen e pengjeve dhe tuneleve, por nuk u zbulua se ishin të përfshirë në sulmet e 7 tetorit 2023 – një kusht që Izraeli kishte vendosur për këdo që lirohet sipas marrëveshjes së fundit të armëpushimit.
Në secilën prej dëshmive të burrave ata përshkruajnë të qenurit të zhveshur, me sy të lidhur, me pranga dhe se i janë nënshtruar rrahjeve.
Disa thanë se atyre iu dhanë goditje elektrike, u kërcënuan nga qentë dhe iu mohua aksesi në kujdesin shëndetësorë.
Disa të tjerë përshkruajnë se kanë qenë dëshmitarë të vdekjes së të burgosurve të tjerë dhe dëshmitarë të abuzimit seksual.
Njëri nga dëshmitarët tha se i është zhytur koka në kemikate dhe i është djegur shpina.
Pesë palestinezët e intervistuar në thellësi u kthyen në fillim të këtij viti sipas marrëveshjes së armëpushimit me Hamasin.
Ata ishin në mesin e rreth 1,900 të burgosurve dhe të burgosurve palestinezë të shkëmbyer me 33 pengje izraelitë, tetë të vdekur dhe 25 të gjallë.
Pesë të burgosurit palestinezë të liruar përshkruan të gjithë të njëjtin model – u arrestuan në Gaza, u dërguan në Izrael për t’u mbajtur fillimisht në kazermat ushtarake përpara se të transferoheshin në burg dhe më në fund u liruan përsëri në Gaza muaj më vonë.
Ata thanë se ishin abuzuar në çdo fazë të procesit.
Duke qenë se Izraeli aktualisht nuk u lejon gazetarëve ndërkombëtarë qasje të lirë në Gaza, intervistat tona u kryen me telefonatë dhe mesazhe me tekst, si dhe personalisht nga profesionistët tanë të pavarur të kontraktuar në territor.
Të pesë burrat na thanë se abuzimi i tyre kishte filluar në momentin e arrestimit të tyre – kur ata thanë se ishin zhveshur, lidhur sytë dhe rrahur.
Hamad al-Dahdouh, një tjetër i intervistuar, tha se rrahjet në kazermë “shënjestronin kokat tona dhe zonat e ndjeshme si sytë [dhe] veshët”.
BBC i dërgoi një letër të gjatë përgjigjeje IDF-së, e cila parashtronte në detaje akuzat e burrave dhe identitetin e tyre.
Në deklaratën e saj, IDF nuk iu përgjigj asnjë prej akuzave specifike, por tha se “i hedh poshtë plotësisht akuzat për abuzim sistematik të të burgosurve”.
Një raport i mëtejshëm nga ekspertët e OKB-së muajin e kaluar dokumentoi raste të përdhunimeve dhe sulmeve seksuale dhe tha se përdorimi i kësaj si kërcënim ishte “procedurë standarde operative” për IDF. Izraeli u përgjigj duke thënë se “i hedh poshtë kategorikisht akuzat e pabaza”.
