Ballkani do të luajë sot (e enjte) në udhëtim te Sivasspori në kuadër të ndeshjes së tretë të fazes së grupeve në Ligën e Konferencës.
Kampioni i Kosovës ka udhëtuar drejt Turqisë ku do të ndeshet me Sivassporin në ndeshjen që pritet të zhvillohet në stadiumin “Yeni 4 Eylül” me fillim nga ora 18:45, kjo sfidë i takon Grupit G në Ligën e Konferencës.
Ekipi i drejtuar nga Ilir Daja ka treguar lojëra të mira në dy takimet e para të grupit, por pa arritur fitoren. Por qëllimi i skuadrës së drejtuar nga Daja, do të jetë të paktën një rezultat pozitiv, duke marrë parasysh edhe shqetësimet e mungesave në formacionin bazë, edhe pse tekniku i suharekasve ka përmendur vetëm Astrit Thaqin, megjithatë lista e hendikepuar është më e zgjatur.
Pavarësisht lojës së mire në ndeshjen e parë në shtëpi ndaj CFR Cluj ku barazoi 1:1, dhe sifdën e dytë në udhëtim te Slavia Praga humben 3-2 përkundër epërsisë në dy raste. Insistemi te Ballkani është se debutimin e tyre në garat evropiane, po marrin për të arritur përvojë.
Megjithatë edhe pse takim me Sivassporin pritet të jetë i vështirë, portokallzinjtë nuk do të qëndrojnë duar-kryq, pasi janë gati për të bërë befasinë dhe të rikthehen në shtëpi me rezultat pozitiv. /Tëvë1/