Ministrja në detyrë e Arsimit , Arbërie Nagavci ka thënë se gjatë katër viteve të drejtimit në këtë dikaster, ndonëse ka thënë se ka mundur të bëhet punë edhe më mirë.
Ajo ka paraqitur disa nga sukseset që sipas saj janë arritur gjatë qeverisjes katër vjeçare.
Nagavci ka përmendur të arriturat në Arsimin e Lartë, ku ka veçuar studimin pa pagesë dhe ndarja e bursave për studentët për studime jashtë vendit.
Nagavci ka thënë se poashtu cilësia në universitetet publike ka shënuar ngritje.
“Arsimi i Lartë pa pagesë, mbështetja e studentëve për studime jashtë vendit, mbi 15 milionë euro, mbi 16 mijë përfitues, të bursave që ka ndarë qeveria. Universitetet publike kanë avancim të rangimit të tyre në platforma kredibile ndërkombëtare që tregon se edhe gjatë angazhimit të punës akademike, hulumtimit dhe zhvillimit të projekteve të ndryshme kemi avancim në Arsimin e Lartë”, ka thënë Nagavci në emisionin “Këndi i Debatit” në Tëvë1.
Sa i përket arsimit parauniversitar ajo ka përmendur fillimin e rishikimeve të teksteve shkollore.
“Në arsimin para universitar do të përmendja si rezultat, fillimin e rishikimit të teksteve shkollore i cili ka ndodh për herë të parë dhe kemi rishkruar tekstet e gjuhës shqipe dhe të matematikës nga klasa e parë deri në të nëntën. Kemi mbështetur mësimdhënësit në zhvillimin e tyre profesionale dhe avancimin në karrierë, kemi filluar për herë të parë edhe licencën e avancuar ku tashmë kemi mësimdhënës të cilit i janë nënshtruar këtij procesi, kemi ndarë buxhetin për shtesat në pagë për mësimdhënësit që mbyllin suksesshme këtë proces”, ka thënë Nagavci.
Nagavci ka folur edhe për nderimin e çerdheve të premtuara por që nuk është arritur numri i premtuar.
Ajo ka thënë se sa i përket qeverisë janë bërë të gjitha përgatitje duke ndarë edhe buxhetin.
Por ajo ka thënë se vështirësitë kanë ardhë sepse disa komuna nuk ka siguruar leje të ndërtimit e nga disa nuk ka pasur fare kërkesa nga komunat për ndërtimin e tyre
