Njëri prej organizatorëve të “Marshit për Drejtësinë”, Ismail Tasholli ka thënë se lufta e UÇK-së ishte luftë e së mirës ndaj së keqes, luftë e lirisë ndaj robërisë.
“Unë kam qenë 13-vjeç kur për herë të parë kam pa në uniform ushtarin e UÇK-së. Si fëmijë nuk arrita ta kuptoj peshën e asaj që po ndodhtë. Për për mua ishte e qartë se ishte një betejë mes së mirë së dhe se keqes, mes jetës dhe vdekjes, mes lirisë dhe robërisë”.
“Unë si të gjithë bashkëmoshatarët e kam ndjerë në palcë pabarazinë, mbylljen e shkollave, dëbimin nga shtëpia. E ushtari i lirisë atë ditë në sytë e mi si fëmijë e kishte marrë trajtën e një superheroi magjik. Luftëtarit të së mirës, lirisë dhe jetës. Sepse vërtet të tillë kanë qënë ushtarët e UÇK-së”, ka thënë Tahsolli.
Para marshuesve ai është shprehur i bindur se Thaçi e të tjerët do të kthehen faqebardhë dhe fitimtarë nga gjykimi, shkruan teve1.info.
“Unë ju falënderoj nga zemra që i jeni bashkuar thirrjes sonë për drejtësi. UÇK-ja është emëruesi ynë i përbashkët, është vlera më sublime që e kemi krijuar si komb”.
“Hashim Thaçi, Kadri Veseli, Jakup Krasniqi, Rexhep Selimi e fillojnë nesër betejën e radhës, betejën për të vërtetën dhe drejtësinë. Si gjithmonë do të na kthehen fitimtarë dhe faqebardhë. Ne sot u bëmë bashkë dhe siç e shihni doli dielli”, ka deklaruar Tasholli.
