Është gati koha e lançimit të “iPhone17” dhe po bëhen thashetheme të shumta, me raportime të reja që shfaqen çdo javë.
Së fundmi është raportuar për një rritje të mundshme të çmimeve në të gjithë linjën e ardhshme të iPhone 17, transmeton Indeksonline.
Sipas analistit të Jefferies, Edison Lee (përmes MacRumors ), të gjitha modelet e ardhshme të iPhone 17- domethënë iPhone 17, iPhone 17 Air, iPhone 17 Pro dhe iPhone 17 Pro Max do të kenë një rritje çmimi prej 50 dollarësh.
Arsyeja e ndryshimit, sipas raportit, është kompensimi i kostove në rritje të komponentëve dhe tarifave të SHBA-së ndaj Kinës.
Raporti gjithashtu vëren se presione të tjera të mundshme të kostove nga India (ku Apple po prodhon tani një pjesë të madhe të iPhone-ve të saj), si dhe tarifat sektoriale, nuk janë përfshirë ende.
