Skuadra e Milanit është në bisedimet si me Granit Xhakën ashtu edhe Ardon Jasharin, dhe kjo nuk është më sekrete.
Interesimin e ekipit italian për dyshen shqiptare, e ka konfirmuar edhe Igli Tare, i cili është drejtor sportiv i Milanit.
Tare ka vlerësuar lart si Xhakën ashtu edhe Jasharin, të cilët janë mesfushorë dhe luajnë për Kombëtaren e Zvicrës.
“Emrat që përmendët janë alternativa, lojtarë me vlerë të madhe, por në fund duhet të bëjmë zgjedhjen e duhur bazuar në atë që na nevojitet. Ne besojmë se është e rëndësishme të rrisim cilësinë e lojës së këtij ekipi”, ka thënë Tare.
Milani tashmë i ka bërë ofertë si Leverkusenit ashtu edhe Brugget për Xhakën, përkatësisht Jasharin.
Për kartonin e Xhakës ka ofruar 10 milionë euro kurse për të Jasharit 30 milionë euro.
