Tanket izraelite janë të stacionuara në dy zona të Qytetit të Gazës që të çojnë në qendër të qytetit, thonë banorët, ndërsa frika dhe paniku mbizotërojnë midis qindra mijëra civilëve të bllokuar.
Zëdhënësi i ushtrisë izraelite, Nadav Shoshani, tha se trupat kanë vepruar në periferi të qytetit për disa javë, por që nga nata e së hënës një numër i madh ushtarësh filluan të lëviznin drejt pjesës së brendshme të qytetit, shkruan Al Jazeera.
Një kombinim i këmbësorisë, tankeve dhe artilerisë po përparon, i mbështetur nga forcat ajrore, dhe sulmi për të pushtuar qendrën kryesore urbane të Gazës është një proces gradual që do të intensifikohet me kalimin e kohës, tha Shoshani.
“Strategjia tani për tani është të mposhtim Hamasin dhe të ushtrojmë presion mbi të, gjë që mund të çojë në një marrëveshje ose mund të çojë në misione shpëtimi [për të liruar robërit]”, tha ai.
