Një taksist ka raportuar që derisa ka qenë duke e transportuar një pasagjer është sulmuar fizikisht në kokë me grushta nga ai.
Në raportin 24-orësh të Policisë thuhet se rasti ka ndodhur në rrugën “Kral Petri” në Mitrovicë të Veriut.
Po ashtu bëhet e ditur se viktima ka pranuar tretman mjekësor, ndërsa rasti është duke u hetuar.
“Viktima mashkull kosovar derisa kishte qenë duke punuar me veturë taksi, duke e transportuar një pasagjer dyshohet se ishte sulmuar fizikisht në kokë me grushta nga pasagjeri mashkull dhe për atë shërbimin i dyshuari nuk ia kishte bërë pagesën. Viktima ka pranuar tretman mjekësor, në konsultim me prokurorin është inicuar lënda e rastit e cila vazhdon të hetohet”, thuhet në raportin e PK-së./teve1.info/
