Kryeprokurori i Prokurorisë Speciale, Blerim Isufaj, ka pritur sot në takim Ambasadorin e Bashkimit Evropian në Kosovë, Tomas Szunyog, i cili është njëherësh shef i Zyrës së BE-së.
Isufaj e ka njoftuar Szunyog, me punën, të arriturat dhe sfidat e Prokurorisë Speciale, në luftimin e korrupsionit të nivelit të lartë.
Ndërsa, Szunyog ka nënvizuar se qëllimi i përbashkët është arritja e përparimit të mëtejshëm në fushën e sundimit të ligjit në Kosovë.
“Në përfundim të takimit të sotëm, bashkëbiseduesit shprehën gatishmërinë e tyre, që përmes punës në partneritet, për forcimin e sundimit të ligjit të vazhdohet në mënyrë të sigurt, drejt avancimit të vendit tonë në rrugën e integrimit evropian”, thuhet mes tjerash në njoftimin e kësaj prokurorie. /teve1.info/
