Takimi i së martës, është i teti me radhë në mes kryeministrit të Kosovës, Albin Kurti dhe presidentit serb, Aleksandar Vuçiq.
E ky takim i nivelit të lartë është i pari pas dakordimit për aneksin e zbatimit të marrëveshjes në mes dy vendeve në Ohër të Maqedonisë së Veriut.
Megjithatë, pikat në këtë marrëveshje here pas here janë shkelur nga ana e Serbisë.
Kësisoj njohësi i çështjeve politike, Dorajet Imeri beson që nuk po trajtohen të dyja palët barabartë nga Bashkimi Evropian.
Nga ana tjetër, Fidan Ukaj thotë se pavarësisht shkeljeve nga ana e shtetit serb, Kosova ka bërë mirë që ka marrë pjesë në këtë takim.
Ndërhyrja në zgjedhjet në Kosovë dhe votimi kundër pranimit të aplikimit të Kosovës në Këshillin e Evropës, janë dy pikat e marrëveshjes që janë shkelur nga Serbia.
Kronika e gazetares Fetije Kamberi.
