Përfaqësuesi i Lartë i BE-së për Punë të Jashtme dhe Siguri, Josep Borrellin pritet që të dal në konferencë për media pas takimit që kishte me kryeministrin, Albin Kurti dhe presidentin serb, Aleksandër Vuciq.
Sipas, faqes zyrtare Këshillit të Bashkimit Evropian, planifikohet që Borell të flasë në konferencë në orën 15:00.
Ndryshe, pas takimit Vuçiq, tha se bisedimet me kryeministrin e Kosovës, përfunduan pa sukses “në kuptimin e gjetjes së një rruge të qartë drejt normalizimit të marrëdhënieve”.
“Ne të gjithë i kemi propozimet tona, shqiptarët i kanë të tyret, ne i kemi tonat. Në fund, ne si Serbi e kemi pranuar propozimin e kompromisit të BE-së. Kurti nuk ka dashur ta pranojë. Takimi ka përfunduar”, u tha Vuçiq gazetarëve.
Kurti dhe Vuçiq zhvilluan paraprakisht takime të ndara me ndërmjetësuesit e procesit, shefin e politikës së jashtme të Bashkimit Evropian, Josep Borrell, dhe të dërguarin e BE-së për dialogun Kosovë-Serbi, Mirosllav Lajçak.
Sipas njoftimit të BE-së, temë e takimit trepalësh është zbatimi i Marrëveshjes për normalizimin e marrëdhënieve, e arritur gojarisht mes Kurtit dhe Vuçiqit në muajin shkurt.
Borell për takimin me Kurtin dhe Vuçiq: Do të shohim nëse janë gati të marrin përgjegjësi
