Politologia, Arta Tahiri-Beqa ka thënë se Lëvizja Vetëvendosje mund ta propozojë një kandidat për president apo presidente që do të ishte i pakontestueshëm nga pozita dhe opozita.
Tahiri-Beqa ka thënë se ky kandidat ose kandidate mund të jetë një figurë e atillë që nëse kundërshtohet dhe nuk votohet nga opozita populli do t’i shihte si armiq.
“Zgjedhja e presidentit apo presidentes vetëm në qoftë se Lëvizja Vetëvendosje që nuk dyshoj që i ka këto aftësitë e zhdërvjelltësisë mund të propozojë një kandidat i cili do të jetë i pakontestueshëm nga pozita dhe opozita. Mund të gjejë një figurë e cila do të thotë prezentimi i tij ose i saj nëse kundërshtohet nga opozita do të jetë vërtetë një boomerang dhe do të quhen si armiq sepse nuk po e mbështesin. Nëse Kurti thotë se do ta bëjë qeverinë vetëm dhe do të vazhdojë katër vite e vetmja metodë ku do ta fus në një kurth opozitën është kjo pra të prezantojë president ose president një figurë e cila do ti vë para aktit të kryer opozitën që duhet ta votojë se përndryshe nëse nuk e voton dhe shkojmë në zgjedhje të jashtëzakonshme”, ka thënë ajo në emisionin “Këndi i Debatit” në Tëvë1.
