Sipas tij, ndalimi i pagave është cenim i drejtpërdrejtë i mirëqenies dhe ekonomive të familjeve të mësimdhënësve, shkruan teve1.info
Madje ai këtë situatë e ka quajtur skandaloze e të padurueshme.
“E padurueshme! Skandaloze!Me ndalimin e pagave të shtatorit, Qeveria ka shkelur dinjitetin e mësimdhënësve. Poashtu, ndalimi i pagave është cenim i drejtëpërdrejtë i mirëqenies dhe ekonomive të familjeve të mijëra mësimdhënësve”, ka shkruar ai në Facebook.
Tahiri theksoi se të premten e kanë ftuar për interpelancë ministrin e Financave, Hekuran Murati, teksa ka shtuar se vazhdimi i kësaj situate është vazhim i turpit nga kjo Qeveri.
Tutje Tahiri deklaroi se është e pafalshme që pagat e mësimdhënësve të ndalen në prag të dimrit.
“Të premten e kemi ftuar për interpelancë ministrin Murati, por vazhdimi i kësaj gjendje edhe për një orë, është vazhdim i turpit nga kjo Qeveri! Në prag të dimrit t’i ndalen pagat mësimdhënësve vetëm se kanë kërkuar një të drejtë minimale, është e pafalshme!”, ka shkruar Tahiri.
