Deputeti i Partisë Demokratike të Kosovës (PDK), Abelard Tahiri, tha se kryeministri i Kosovës, Albin Kurti, vazhdon të ankohet për Millan Radoiçiqin, që sipas tij, vetë e ka lënë të lirë pas sulmit të 24 shtatorit.
Tahiri tha se Radoiçi dhe banda e tij u lejuan të iknin, e që sipas tij sot paraqesin rrezik për sigurinë e Kosovës.
“Përmes dronit të institucioneve të sigurisë, kryeministri i ka përcjellur në kohë reale lëvizjet e Radojçiqit. Megjithatë, ai dhe banda e tij u lejuan të iknin dhe sot paraqesin rrezik serioz për sigurinë e Ksovës”, ka shkruar ai në Facebook.
Tutje, ai tha se Kurti i lejoi korridor tërheqjeje Radoiçiqit pasi u koordinua më të përmes shefes së grupit parlamentar të VV-së, Mimoza Kusari-Lila.
“Në një anë, Albin Kurti vazhdon të manipulojë me sentimentin patriotik, kurse në anën tjetër i lejoi korridor tërheqjeje Radojçiqit, pasi ishte koordinuar me të muaj më parë përmes shefes së grupit të tij parlamentar”, shtoi.
Gjatë ditës së sotme në një konferencë për media, Kurti dhe ministri i Brendshëm, Xhelal Sveçla kanë dhënë detaje të reja sa i përket hetimeve që janë bërë për sulmin terrorist në Banjskë të Zveçanit, ku një grup serb i armatosur sulmoi Policinë e Kosovës që për pasojë mbet i vrarë rreshteri dhe heroi i Kosovës, Afrim Bunjaku.
Kurti paralajmëroi se Millan Radoiçiq po mban takime me shërbimin sekret serb për të planifikuar sulme të reja në Kosovë./teve1.info/
