Shefi i Grupit Parlamentar të AAK-së, Besnik Tahiri ka reaguar për gjendjen e rrugës në Podujevë i cili tha se është bërë si rrugë për Kandahar.
Tahiri tha se edhe në rrugët për Gjakovë, Mitrovicë, e Gjilan janë të bllokuara.
“Rruga për Podujevë është bërë si rrugë për Kandahar, e rrezikshme, e dëmshme për njerzë e vetura dhe gati e patejkalueshme. Pothuajse në të njëjtën gjendje janë edhe rrugët për Gjakovë, Mitrovicë e Gjilan, pra në të katër anët e Kosovës rrugët janë të bllokuara, ndërsa lavdet nuk ndalen”, ka shkruar Tahiri në Facebook.
Derisa, Tahiri ka kritikuar Qeverinë duke thënë se është i pazot për të punuar diçka të mirë për vendin.
“Mirë është që në këta muajt që i kanë mbetur kësaj qeverie të përfundojë ndonjë rrugë dhe të del me diçka konkrete në këtë 4 vjeçar. Përndryshe, po shihet që ky kabinet qeveritar është i pazot me punu diçka të hajrit për vendin”, shkroi Tahiri./teve1.info/
