Tahiri tha se rritja e çmimeve të naftës ka ndikuar në kufizimin e bujqëve që ta realizojnë planin e veprimtarisë bujqësore.
“Viteve të fundit, bujqëve në një farë forme iu është kufizu mundësia që ta realizojnë planin e veprimtarisë bujqësore për shumë faktorë por më së shumti tash ka ndiku këto ngritje të çmimeve të naftës dhe të raprotmaterialeve të cilat kanë shku shumë lartë, diku dyfish diku edhe trefish. Kur po flasim për naftën, tek bujqit ekziston një problematikë tjetër, nëse bujkut i mundësohet me marrë naftën duke hjekur naftën ma lirë, duke ia hequr akcizën, atëherë bujku atë lehtësim duhet t’ia kthen edhe Qeverisë edhe popullit në përgjithësi sepse do t’i ulet kosto e prodhimtarisë të kulturave bujqësore, konkretisht po flasim më shumë për grurin dhe misrin”, tha Tahiri.
I ftuar në “Këndi i Debatit” në Tëvë 1, Tahiri shtoi se bujqit janë të hendikepuar në këtë aspekt për shkak se po u duhet të mbjellin sipërfaqe më të vogla.
“Jemi të hendikepuar shumë sepse janë tu u mbjell sipërfaqe më të vogla, sepse edhe më herët bujqit tonë kanë pasur problem me koston e prodhimtarisë dhe përfitimet kanë qenë minimale por edhe një pjesë e bujqëve kanë punu me humbje. Kështu që ata bujq që nuk kanë arritur me pas përfitime kanë hjekur dorë prej prodhimtarisë bujqësore dhe është hendikepu edhe bujku mirëpo është hendikep i madh edhe për shtetin”, shtoi ai.
Tahiri tregoi edhe për kërkesat që kanë adresuar në Ministrinë e Bujqësisë, e që siç tha ai, mendojnë se duhet të bëhen plane më afatgjata për t’u ballafaquar me këto probleme.
“Patjetër ne kemi qenë të Ministria e Buqjqësisë i kemi paraqit kërkesat tona dhe pikërisht aksentin kryesor e kemi përqendruar tek subvencionimi, ne kemi propozu që të subnenvion plehrat, nafta dhe pesticidet por edhe të rriten suvne onet, e mb nga fondi i minbistrisë së bjuqësisë..Ne bujqit mendojmë se duhet të me u bo plane afatgjata për të ballafaquar me këto probleme dhe për ta pas prodhimtarinë tonë vendore”, shtoi Tahiri. /Teve1.info/
