Deputetja e PDK-së, Ariana Musliu-Shoshi është kërcënuar për shkak të fjalimit që kishte dje në parlament ku kritikoi ministren Gërvalla dhe Qeverinë e Kosovës.
Pas kësaj ka reaguar shefi i grupit parlamentare i kësaj partie, Abelard Tahiri, i cili tha se është “e turpshme dhe e papranueshme logjika e kërcënimit që ka sjellë në Kosovë militantizmi i pushtetit të Albin Kurtit”, shkruan teve1.info
“E turpshme dhe e papranueshme logjika e kërcënimit që ka sjellë në Kosovë militantizmi i pushtetit të Albin Kurtit. Kërcënimet e tilla duhet të trajtohen me prioritet nga organet e rendit”, ka shkruar ai.
Ndryshe, Musliu-Shoshi ka deklaruar se rastin do ta paraqes në Policinë e Kosovës.
