Kryetari i Grupit Parlamentar të PDK-së, Abelard Tahiri ka thënë se qytetarët serb në veri të vendit me mosdaljen e tyre në zgjedhje kanë vendosur që të shëndrrohen në instrument të Beogradit.
Teksa tha se pavarësisht që numri i qytetarëve ka qenë i vogël në këto zgjedhje si subjekt politik e kanë pa të obligueshme tu ofrojnë qytetarëve, kandidatë për kryetarë pavarësisht rezultatit.
“Ne si Grup Parlamentar i PDK-së, e dimë gjendjen në atë pjesë mirëpo ka qenë obligim i yni qytetarë që me aq sa ka votues që jetojnë në atë pjesë të i’u ofrojmë kandidatë për kryetarë, pavarësisht rezultatit të jemi në garë dhe ti mbajmë të angazhuar politikisht ata qytetarë. Ne e shohim një manipulim të madh të shtetit serb që është duke ia bërë qytetarëve serb siç duket Qeveria e Serbisë ka vendosur që edhe atë pak të ardhme qe e kanë pasë ata pak qytetarë që kanë mbetur në atë pjesë, t’ua minojë dhe ti keqpërdorë jashtëzakonisht shumë. Ata kanë vendos me u shëndrru në një instrument të Beogradit./teve1.info./
