Shefi i Grupit Parlamentar të Partisë Demokratike të Kosovës, Abelard Tahiri ka kritikuar deputetët e Levizjës Vetëvendosje të cilët lëshuan seancën e thirrur nga AAK-ja për të diskutuar rreth koeficientit të ligjit të pagave.
Tahiri tha se ikja nga kjo seancë nënkupton ikje nga një përgjegjësi e madhe, derisa ka pasur një mesazh për opozitën.
“A po e shihni që nuk mundemi me bashkëpunu me ta, është e kotë edhe me ja’u votu marrëveshjet ndërkombëtare, është e kotë. Gjithçka është e kotë, sepse nuk arrijmë me gjetë një gjuhë të përbashkët me të cilën kemi me mujt me shty një proces përpara, nuk arrijmë”, ka thënë Tahiri.
Derisa ka kërkuar angazhim më të madh nga opozita për rrëzimin e Qeverisë Kurti dhe shkuarjen në zgjedhje të reja sa më parë.
“Ne angazhimin e madh duhet me pasë gjithë së bashku, sa më parë çdo mundësi me ua blloku dhe me çu vendin në zgjedhje. Vendit i duhet një qeveri e re, një qeveri që e nxjerr prej sanksioneve, vendit i duhet një mazhorancë që nuk e lëshon seancën”, shtoi Tahiri
Ndryshe, seancën parlamentare të Kuvendit të Kosovës në të cilën pritet të diskutohet për nevojën e rritjes së koeficientit të pagave, e kanë bojkotuar ende pa filluar, shumica e deputetëve të Lëvizjes Vetëvendosje./teve1.info./
Nis debati për koeficientin e pagave, shumica e deputetëve të VV-së e lëshojnë sallën