Shefi i AAK-së Besnik Tahiri ka thënë se është e papranueshme dështimi i seancave për shkak të korumit.
Sipas tij, ky dështim vjen si rrjedhojë e një qasje totalisht jo të përgjegjshme e jo serioze të mazhorancës.
“Fatkeqësisht jeni dëshmitar edhe të një dështimi të seancës së Kuvendit. Ky dështim vjen si rrjedhojë e një qasje totalisht jo të përgjegjshme e jo serioze të mazhorancës. Na e shtyn seancën e parë për në ora 12:30 edhe kjo seancë dështoi për shkak se u mungojnë numrat”, tha Tahiri.
Tahiri më tej, ka thënë se në këtë mënyrë është duke u abuzuar me besimin e qytetarit.
“Është e papranuehsme dhe është abuzim me besimin qytetar me qasjen që e ka kjo Qeveri dhe kjo mazhotancë. Kuvendi është kthyer në një lojë me numra që vjen si rrjedhojë e një qasje autoritare, arbitrare që e ka pas tash e dy vjet”, tha Tahiri.
Kuvendi ka dështuar që të mbajë vazhdimin e seancës së mërkurën në mungesë të kuorumit.
Pas mungesës së deputetëve për të filluar seancën nga ora 10:00, edhe seanca e shtyrë për orën 12:30 nuk pati kuorum, përcjell teve1.info
Pas kësaj situate, kryetari i Kuvendit, Glauk Konjufca tha se nuk ka mundësi sërish të vazhdohet seanca, duke e ndërprerë atë.
“Përsëri nuk vazhdon mundësia me vazhdu, kështu që ju lajmërojmë për seancën tjetër”, ka deklaruar ai.
