Deputeti i PDK-së, Abelard Tahiri vlerëson se drejtori i arrestuar i KEK-ut, Nagip Krasniqi nuk është vetëm drejtor i KEK-ut por zyrtar i lartë i VV-së.
Këto komente a ii bëri në debatin parlamentar për arrestimin e Krasniqit që po zhvillohet në Kuvend.
“Pra ne nuk po flasim për një njeri të rëndomtë që kishte qenë më herët pjesë e KEK-ut dhe isht e emëruar drejtor, por ne po flasim për arrestimin e njeriut kyç në VV që drejtonte Komitetin e Politikave që lidheshin me energji. Prandaj Nagip Skenderi nga VV ishte vendosur drejtor i KEK-ut, i cili i bie me qenë shef edhe i Artane Rizvanollit që e mbulon sektorin e energjisë në këtë qeveri”, ka thënë Tahiri.
Sipas tij Krasniqi për 5 muaj ka nënshkruar 30 kontrata njëburimore në vlerë të 72 milionë eurove
“Për me pa Nagipin, punën e tij, e kam ba një hulumtim të shkurtë dhe i kam nxjerrë tenderat njëburimorë 5 muajt e fundit që i ka nënshkruar z. Krasniqi. Pra për 5 muaj të nderuar deputet, KEK ka nënshkruar në vlerë të 72 milionë eurove, 30 kontrata njëburimore. Pra 30 kontrata njëburimore të Nagip Krasniqit, i cili sot është besoj me plot të drejtë në paraburgim”, ka thënë Tahiri.
Ai ka përmendur disa kontrata për të cilat pretendon se janë bërë keqpërdorime.
“Me bo kontratë njëburimore në vlerë 1 milion e 730 mijë euro për furnizim me shirit transportues, ku e ofrojnë 30 kompani një gjë të tillë, kjo nuk do koment sepse kjo është një kontratë në të cilën vjedhet dhe asgjë më shumë. Pastaj me bë një kontratë 55 milionë euro për modernizim të turbinave B1 dhe B2 me një kompani me të cilën së paku 5 kompani në Evropë e bëjnë një gjë të tillë, këtu shihet qartë se është bërë një negociim dhe akterë të caktuar kanë përfitu”, tha ai.
Lidhur me reagimin e Mimoza Kusari-Lilës, Tahiri vlerëson se ajo po shqetësohet për arrestimin e Krasniqit, sepse ajo shqetësohet kur e sheh në krye të bordit të KEK-ut një person që më herët ka qenë ekspert në Prokurorinë Speciale.
“Dhe Mimoza normalisht që e ka shqetësim të madh sepse e njëjta po ashtu ka mujt me qenë në të kalumen, sepse është ndjek politikisht nga drejtori i bordit që në atë kohë ka qenë si ekspert në Prokurorinë Speciale dhe sot e ka shqetësim jashtëzakonisht të madh kur e sheh në krye të bordit të KEK-ut njeriun që e ka ndjek si ekspert të Prokurorisë Speciale”, ka thënë Tahiri.