Anëtari i kryesisë së LDK-së, Xhafer Tahirim po vlerëson se deputetët e pushtetit kanë degraduar në fyerje personale ndaj kryetarit Lumir Abdixhiku, sipas tij, në mungesë argumenti për të debatuar për paaftësinë qeverisëse dhe për kauzat që i braktisën.
Sipas Tahirit kjo po vjen edhe për faktin se pushtetarët po e shohin LDK-në si kërcënim për pushtetin e tyre.
“Duke e parë ndryshimin e LDK-së, hapjen e saj për qytetarët si kërcënim për pushtetin e tyre, vetëm dje, 3 deputetë të pushtetit, ishin në medie nacionale me ofendime personale për Kryetarin e LDK-së. Këtyre ju kanë vdekur kauzat, tani po përpiqen me çdo kusht të ruajnë pushtetin, por të gjithë tashmë e dimë, këta janë të paaftë për të qeverisur e për të sjellë ndryshim cilësor”, ka shkruar Tahiri në Facebook.
