Shefi i Grupit Parlamentar të Aleancës për Ardhmërinë e Kosovës, Besnik Tahiri, ka uruar të gjithë besimtarët myslimanë për festën e Fitër Bajramit.
Ai nga selia e Bashkësisë Islame të Kosovës ka thënë se festat si kjo për besimtarët myslimanë janë ditë bashkimi dhe momente për të reflektuar.
“Për ne është shumë me rëndësi që këto festa janë festa që na bashkojnë por njëkohësisht na vendosin në momente për të reflektuar”, deklaroi Tahiri.
