Politologia, Arta Tahiri-Beqa ka thënë se nëse kandidati i PDK-së për kryeministër, Bedri Hamza do të dilte e të distancohej nga incidenti në Skenderaj atëherë kjo do të ishte vdekje politike për këtë parti.
Kjo deklaratë ka ardhur pasi analisti, Xhevdet Pozhari tha se Hamza do të duhej të reagonte dhe të kërkonte falje.
Tahiri-Beqa tha se nuk kishte pse të ndodhte një kërkim i tillë falje, pasi nuk dihet se a ishin aktivistë të PDK-së.
“Unë e besoj dhe e mbështetës fuqishëm se në qoftë se Bedri Hamza do të dilte dhe të jepte deklaratë për një incident të tillë do të ishte vdekje politike për PDK-në për shumë arsyeje… Incidente të tilla mund të ndodhin edhe nga militantët e partive tjera… Bedri Hamza ka qenë në një tubim tjetër tepër të mirë, në një prezantim tjetër në momentin kur ka ndodhur ky rast…të jemi të sinqertë nuk e dimë kush janë këta persona. Pse të kërkonte falje Bedri Hamza? A je i sigurt që janë aktiviste të PDK-së?”, ka deklaruar ajo në emisionin “Këndi i Debatit” në Tëvë1.
Ndryshe, ministrja e drejtësisë, Albulena Haxhiu ka hedhur akuza ndaj nënkryetarit të Skenderajt, Sami Lushtaku, duke pretenduar që ky i fundit ka sulmuar eskortën e kryeministrit Kurti sa ishte në këtë komunë.
Por këto akuza i kanë mohuar nga Komuna e Skenderajt, madje kanë paralajmëruar edhe padi ndaj ministres Haxhiu.
