Shefi i grupit parlamentar të AAK-së, Besnik Tahiri ka thënë se me marrëveshjen e Ohrit , negociatat me Bashkimin Evropian do të zgjasin me vite.
Ai ka thënë se zgjatja e bisedimeve është mundësi për forcimin e shtetit por dhe për të bërë gabime gjatë rrugës.
“Marrëveshja është përmbyllë në ditë kur është dakord dokumenti i parimeve, aneksi që është dakrdu në Ohër është pjesë e një marrëveshje që i jep detyrime Kosovës dhe Serbisë. Me këtë marrëveshje dialogu dhe diskutimi me BE-në do të vazhdojë me vite. Kjo është një mundësi për forcimit të shtetit të Kosovës po në të njëjtën kohë është potencial për lëshime, gabime”, ka thënë Tahiri në debatin paralamnetar për marrëveshjen ndërmjet Kosovës dhe Serbisë në Ohër.
Ai ka kërkuar sinqeritet më të madh nga Kurti me çështjen e vetmenaxhimit të komunave me shumicë serbe, ndërsa ka shtuar se nuk ka ekstrateritorialitet për Kishën serbe, duke thënë se kjo çështje rregullohet me Ligjin për liritë fetare.
