Shefi i Grupit të AAK-së, Besnik Tahiri ka kërkuar një shpjegim nga Qeveria, në mbledhjen e seancës së Kuvendit për çështjen e energjisë elektrike.
Në fjalimin e tij Tahiri tha se si ka mundësi që këtë vit me ble MWh më lirë se para dy vitesh, ndërsa çmimi më qenë më i shtrenjtë.
“A ka dikush që e shpjegon qysh ka mundësi me ble një MWh, këtë vit dy herë më lirë se para dy viteve e çmimi me qenë më i shtrenjtë mbi çfarë baze është ky çmim i energjisë elektrike për konsumator, për qytetarët e Kosovës” , tha Tahiri.
Ai ka kritikuar Qeverinë që tashmë janë në pushtet për premtimet që ata kanë dhënë për uljen e çmimit të energjisë elektrike.
“Një ndër premtimet kryesore qe ju keni ardhë në këtë Qeveri në këtë pushtet ka qenë që ta zbritni çmimin e energjisë elektrike. Kryeministri thoshte po e citoj “ ne paguajmë shumë shtrenjtë”, duke pasur parasysh që flemë mbi qymyr këtë e ka thënë Kryeministri i Kosovës dhe ajo që ndodhi me ardhjen në pushtet ky qëndrim ndryshoi”, theksoi Tahiri.
Ndryshe ai theksoi se Kurti në vitin 2024, e ka barazuar çmimin e energjisë elektrike me qytetarët e Luxemborg, Gjermanisë dhe të Amerikës.
Ai tutje tha se si një familje me pagë mesatare 500 euro me pagu çmimin e energjisë 200 euro.
“Kryeministri Kurti dhe kjo parti pozitave e ka kundërshtuar sektorin e energjisë në të gjitha nivelet e ka shtyrë për një vit e gjysmë këtë strategji të energjisë elektrike. Sot në vitin 2024 e ka barazuar çmimin e energjisë me qytetarët e Luxemborg, të Gjermanisë, të Amerikës dhe të gjitha anëve, kaq është e thjeshtë.Një familje që e ka pagën mesatare që i merr të hyrat 500-600 euro, 200-250 euro me pagu çmimin e energjisë, ku ka kshtu”, deklaroi Tahiri.
