Politologia, Arta Tahiri – Beqa ka thënë se Albin Kurti i cili ka fituar zgjedhjet 9 shkurtin me partinë e tij, Lëvizjen Vetëvendosje ka vullnet që të shkohet në zgjedhje përsëri.
Ajo këtë e ka thënë duke folur për çështjen e zgjedhjes së presidentit pas përfundimit të mandatit të Vjosa Osmanit.
Tahiri-Beqa ka thënë se Kurti do të arrinte ta shfrytëzonte momentumin nëse shkohet në zgjedhje për shkak të presidentit.
Sipas saj, shkuarja në zgjedhje do ta fuqizonte Kurtin.
“Albin Kurti po të kërkonte stabilitet institucional me një qeveri stabile me mandat katër vjetar do duhej të bënte koalicion me partinë e dytë ose të tretë, po nuk pe shoh që është duke shkuar në atë drejtim. Për çështjen e presidentit duhet të ketë një koalicion më të madh. Duke njohur karizmin e Albin Kurtit, më jep përshtypjen se dëshiron të shkojë në zgjedhje. Ai në momentume të tilla si atëherë kur u prish qeveria di ta shfrytëzojë. Në qoftë se shkon në zgjedhje për çështjen e presidentit besoj se fuqizohet Albin Kurti si kandidatë”, ka thënë ajo.
