Ai ka thënë se kjo Qeveri duke mohuar atë se çfarë është arritur deri tash e kanë pruar punën që t’i lënë qytetarët pa pasaporta.
Përmes një postimi në Facebook ai ka thënë se kjo gjë do të ndikojë edhe në imazhin dhe reputacionin e Kosovës si shtet.
“Përderisa vendet normale bëjnë gara që pasaporta e tyre të rangohet sa më lartë nga vendet tjera, qeveritarët tanë shkelin pasaportën aty ku prodhohet, në burim. Kjo është shkelje fundametale e të drejtave dhe lirive themelore, me kosto të lartë emocionale, financiare dhe të gjithmbarëshme për njerëzit dhe familjet. Përmes logjikës së shkatërrimit të krejt asaj çfarë ishte ndërtu, përfshirë edhe ofrimin e shërbimeve, e sollën punën që qytetarët t’i lënë pa pasaporta. Kjo qeveri e ka konceptin që gjithçka fillon nga zero dhe gjithçka fillon me ta. Pasaporta është shenja më e rëndësishme identifikuese e një shteti. Kjo qasje ka kosto edhe për imazhin dhe reputacionin e shtetit tonë. Nuk jemi në kohën e ‘Ali Bungut’”, ka shkruar ai.
Qytetarët e Kosovës tash e një kohë më parë nuk kanë mundur të pajise as me letërnjoftime në mungesë të materialit. Nga Qeveria janë arsyetuar se kjo ka ndodhë për shkak se kompania e kontraktuar është në krizë si pasojë e luftës në Ukrainë.
Por ministri Sveçla kishte thënë se në fund të vitit që lëmë pas do të rregullohet kjo çështje./teve1.info/
